Ucapan Selamat Datang / Pambagyaharja

NASKAH PEMBAWA ACARA MEMPERSILAHKAN WAKIL TUAN RUMAH MENYAMPAIKAN UCAPAN SELAMAT DATANG PADA ACARA IJAB QOBUL (PAMBIWARA NYAOSAAKEN WEKDAL KANGGE PAMBAGYA WILUJENG)

Dalam acara yang resmi dan dihadiri banyak orang, sudah sepatutnya tuan rumah menyampaikan ucapan selamat datang dan inti acara yang digelar pada saat itu.  Tuan rumah bisa mewakilkan kerabat atau tokoh terkemuka untuk menyampaikan ucapan selamat datang tersebut.

Contoh Naskah Pembawa Acara Mempersilahkan Wakil Tuan Rumah Menyampaikan Ucapan Selamat Datang :

Para tamu sarta para lenggah ingkang satuhu luhuring budi,

Inggih awit raos bombong sinawung ing suka, dhumawahing kabegjan tinemuning jodo ingkangkaparingaken dening Gusti Ingkang Mawa Kawasa dhumateng keluwarga Bapa ..................... sekaliyan, pramila ngantos mboten kuwagang nyabawa caos atur pambagya wilujeng rawuhipun para tamu sarana pribadi, ingkang punika atur pambagya wilujeng bade kaaturaken dening Bapa ................., jumenengipun kaapit Bapa ...................... lan Bapa ....................., minangka sumulih sarira saking ingkang mengku gati.

Katur dhumateng Bapa .................. kasumanggak’aken rahayuning sedya.

CONTOH UCAPAN SELAMAT DATANG PADA ACARA IJAB QOBUL NIKAH (CONTO PAMBAGYA WILUJENG ING ACARA IJAB QOBUL NIKAH)

Ucapan selamat datang, dalam jawa biasa disebut dengan istilah “pambgyaharja”. Selain kerabat, tuan rumah biasanya menunjuk tokoh terkemuka untuk melaksanakan acara tersebut.

Butuh waktu hingga 10 menit untuk acara ini. Karena, selain ucapan selamat datang, juga akan disampaikan inti acara dan ucapan terima kasih kepada semua panitia yang sudah membantu terlaksanya acara tersebut. Selain itu, do’a restu untuk kedua mempelai juga menjadi inti dalam ucapan selamat datang.

Contoh Naskah Ucapan Selamat Datang :

Assalamu’alaikum Warohmatullahi Wabarokatuh

Kasugengan, karaharjan sarta kabagyan awit saking berkahing Gusti allah Ingkang Maha Wikan, mugi tansah kasarira panjenenganipun para tamu ing palenggahan.

Nuwun,

Para sepuh pinisepuh sarta ajisepuh ingkang pantes kinabekten, para tamu kakung miwah putri ingkang tansah winantu ing pakurmatan.

Inggih awit nuhoni pamundhutipun ingkang mengku gati panjenenganipun Bapa ................. sekaliyan garwa, kula piniji ing karya supados ngaturaken pasegahan panakrama pambagya wilujeng rawuhipun para tamu ingkang satuhu pantes hingurmatan.

Sinartan tansah ngaturaken suka miwah sukur dhumateng kamirahaning Gusti Ingkang Maha Suci, kula ngaturaken pambagya wilujeng rawuhipun para tamu kakung miwah putri ingkang satuhu luhuring budi. Ngaturaken panuwun ingkang tanpa utami dene para tamu sampun kersa nglonggaraken wekdal ingkang mestinipun kangge kepentingan sanes, ewo sematen rawuh wonten ing ngriki ingkang saperlu bade paring paring pangestu donga kalawan puji dhumateng ingkang mengku gati.

Ingkang mengku gati nuwun inggih Bapa .................... sekaliyan garwa nyuwun pangapunten ingkang sakalangkung ageng amargi anggenipun caos pakurmatan rawuhipun para tamu, inggih ingkang arupi palenggahan sarta pasugatan, mboten saged handadosaken suka renaning penggalih amargi kawontenan ingkang sarwa winates.

Para tamu ingkang satuhu luhuring budi,

Kados ingkang sampun kawuningan, bilih kala wau watawis tabuh ............ Bapa ............... sekaliyan garwa sampun kalampahan ngleksanani ijab qobul paningkahing temanten, putra putri nimas rara ................ jinatukrama minangka dados jodonipun inggih semahipun anak mas ................. putra kakungipun Bapa ...................... sekaliyan garwa, ingkang pidalem ing .....................

Lampahing acra ijab qobul nikah lumampah lancar tidhem tentrem kalis ing rubeda. Pramila sinartan ngagungaken raos sukur dumateng ngarsanipun gusti Allah Ingka Maha Welas Asih, Bapa ........................ sekaliyan garwa nyuwun puji donga lan pangestu mugi-mugi temanten sekaliyan dados keluarga bahagia lahir batin, hayu hayom hangayomi (inggih keluwarga sakinah, mawadah, warohmah, sejahtera lahir batin) tinebihaken saking cecongkrahan dahuru daredahing sesemahan.

Mugi Gusti Allah Ingkang maha Agung enggal paring nugraha dhumateng temanten sekaliyan, tuwuhing wiji ingkang saged nyambet sejarah reh tumerahipun ingkang sami bebesanan.

Para tamu,

Inggih awit saking agunging raos syukur ing ngajeng, dening ingkang mengku gati badhe kapahargya ngiras pante nindakaken sarta ngleruri adat widi widana dhaup panggihing pinanganten, mbenjing dinten ................. surya kaping ................... wanci tabuh ................. mapan wonten ing ..................

Badhe saya tambah bombong bingahing manah tumrap ingkang mengkugati hambok bilih ing wekdal kasebat para tamu kepareng hangestreni miwah paring puji lan pangestu. Pitungkasing atur, ingkang mengkugati nyuwun pangapunten menggah kiranging bojakrama miwah kiranging suba sita anggenipun caos pakurmatan dumateng para tamu.

Kalebet ugi kula ingkang piniji hangembani wuwus minangka sulih sarisra saking ingkang mengkugati nyuwun pangapunten menawi wonten tuna dungkap, sisip cewet mboten saged mranani penggalih awit cupeting seserepan kirang pana dhumateng wewarah wewangsoning para winasis ing reh pangrumpakaning basa, mugi para tamu maringaken samodraning pangaksama.

Nuwun.

Wassalamu’alaikum Wr. Wb.