Skip to main content

SUBAMANGGALA


PAMBIWARA NGATURI SUBAMANGGALA NGIRABAKEN TEMANTEN
Para tamu, kados-kados ki Subomanggala sarta ingkang sami humiring lampahing kirab kanarendran sampun sami siyaga ing karya, awit saking menika nyuwun idi lan angestunipun para tamu, temanten badhe kalengser saking palenggahan manjing sasana busana, saperlu rucat kuwaca kanarendran silih busana kasatriyan.



CONTOH CANDRA KAGEM SUBAMANGGALA LUMEBET BALE PAWIWAHAN

*Rerepen :
ASMARANDANA
Gegarane wong akrami
Dudu bandha dudu rupa
Amung ati pawitane
Kena pisan luput pisan
Yen gampang luwih gampang
Yen angel angel kelangkung
Tan keno tinumbas arta
Para tamu, lampahe Ki Subamanggala cinandra pyak ngarsa rapet ing wuri garoyah-garoyah lampahe (Mungel Ayak-ayakan Sl. My.) / Kinanthi padang Rembulan).
*Panyandra :
Mabukuh yayah prayetneng kewuh, ngregemeng kaya lintang bima sakti hanyuwak tutuking naga. Lah punika ta warnanira ingkang ndaweg hanawung kridha, ana satriya sujaga kang busana sarwa prasaja. Dedege pideksa, tindak’e susila hanuraga. Sanadyan kathah priya ingkang bebasan sacathok gumbalane sekelut rerawise, ingkang wredha mboten kirang, ingkang muda tumaruna langkung kathah, parandene mboten piniji ing karya minangka subamanggala kajawi panjenenganipun Bapa/Sdr. ....................
Tuhu punika priya ingkang sampun lebda ing karya, bebasan agal alit wus karempit. Katitik saking solah bawa, ebahing sarira, sliringing netra, kapracihna bilih Ki Subamanggala satuhu lebda ing budaya, mila pantes kinarya panuntuning lampah. Kadherek’aken satriya bagus kalih awasta talang pati ywa satria kembar. Kembar Dedege, kembar baguse, kembar busanane, lamun cinandra pindha jambe sinigar. Busanane sarwa jenar, cahyane sumunar, mila ingkang mboten kiat handulu dados kumesar menawi mandheng baguse satriya kembar.
Kasambet ing wuri punika barisaning para wanita piniji, busanane sarwa edi, solah bawane merak ati, eseme ndudut ati. Kedheping netra angrujit nala, inggih punika srikandi praja nuswantara ingkang wonten................... Jejer kalih sak lajur sisih, gandes luwes wiragane, susila patrape.
Laju lampahe Ki Subamanggala samangke sampun prapta hunggyaning kang tinuju, hanenggih palenggahanipun pinanganten. Ki Subamanggala suka samita mring sekaring pawiwahan, gya jengkar saking palenggahan, mentar saking pasamuan manjing pepengkeran.
Labels:

Comments

Post a Comment

Popular posts from this blog

KIRAB KASATRIYAN PADA ACARA PERNIKAHAN JAWA ADAT SURAKARTA

PAMBIWARA NYAOSI PIRSA BILIH PINANGANTEN SAMPUN RAMPUNG ANGGENIPUN GANTOS AGEMAN, NUNTEN BADHE KASOWANAKEN ING SASANA PAHARGYAN Para tamu ingkang winantu ing pakurmatan, pambiwara sampun nampi sasmita saking paran para, bilih wekdal menika pinanganten sampun silih busana............... Dene Ki Subamanggala, inggih Ki Manggalasuba sampun siyaga hanyowanaken pinanganten, candranipun sami katingal gembira ing wardaya prasasat sinuba-suba penggalihe. (Nunten mungel Subakastawa Sl.9). CONTOH KIRAB KASATRIYAN Suren-surem dewangkara kingkin, katawung ing himandha, bebasan soroting surya kalingan mega, padhanging swasana kendih saking busananing temanten. Duk nalika busana kanarendran katingan kados raja lan prameswari, sareng sampun busana kasatriyan candrane pinda satriya taruna ingkang ndaweg cangkrama sekaliyan garwa, mangengar-enggaring driya. Tindhakira handerek’aken manggalasuba ingkang sampun piniji, pranyata pantes kalamun kinarya tuladha. Sinten ta ingkang lumaksana ka...
Post a Comment
Read more

CONTOH MATERI UNTUK PEMBAWA ACARA SAAT KIRAB KANARENDRAN

PAMBIWARA NYARIOSAKEN BILIH SUBAMANGGALA SAMPUN SIYAGA WONTEN SANGAJENGIPUN TEMANTEN, NUNTEN BADHE NYASMITANI JENGKARING TEMANTEN SAKING PALENGGAHAN Datan kawursita mangkana Ki Subamanggala samangke sampun prapta wonten sak ngajengipun pinanganten, nunten paring sasmita supados temanten sekaliyan siyaga manjing sasana busana, marma, lamun cinandra jengkaring pinanganten saking sasana pinajang lir pendah, narendra kondur hangedhaton. (Lajeng mungel buka celuk Sri Narendra dawah Ketawang Langen Gito). CONTOH CANDRA KIRAB KANARENDRAN Hanenggih punika ta warnanira pinanganten sarimbit, ingkang sampun jengkar saking palenggahan dampar rinengga, harsa tindak mring sasana busana, inggih panti busana, Sasana punika papan busana sampun mastani, yekti ing mangke temanten sarimbit badhe gantos ageman, rucat kawaca kanarendran silih busana kasatriyan. Jengkaring pinanganten sarimbit ginarubyuk sagung para kadang kadeyan miwah putri dhomas. Kawistara ngalela hanggung papilethan, k...
Post a Comment
Read more

ACARA SERAH TERIMA (PASRAH LAN PANAMPI)

ATURIPUN PAMBIWARA NGATURI PASRAH DHUMATENG TETUANGGANING ROMBONGAN TEMANTEN KAKUNG Para tamu kakung miwah putri ingkang satuhu bagya mulya, lulus raharja praptanipun rombongan temanten kakung samangke tetuangganing rombongan sampun pinarak jumeneng wonten ing sasana pasrah, awit saking menika sasana miwah pandayawara kasumanggakaken dhumateng tetuangganing rombongan, sumangga nuwun. CONTOH PASRAH TEMANTEN BADHE PANGGIH Assalamu’alaikum Warohmatullahi Wabarokatuh Bapa / Rakamas ............... ingkang wekdal menika ngemban wajib luhur wonten madyaning pawiwahan minangka sulih sarira panjenenganipun Bapa ................ sekaliyan garwa (ingkang mengku gati), ingkang winantu hing pakurmatan. Sowan kula wonten ngarsa panjenengan hangirit panekaring putra pinanganten kakung ginarubyuk santana warga, inggih awit kula ngemban wajib minangka dados duta sarayanipun Bapa .................... sekaliyan garwa ingkang pidalem hing .................... Sakderengipun kula ma...
Post a Comment
Read more